Para kay Dekano Luis V. Teodoro, ang pagbabalita ay pakikipagdigma – para ilabas ang katotohanan...para iangat ang kalagayan ng nasa laylayan, para magkaroon ng kakampi ang pangkaraniwang mamamayan, para marinig ang mga pinatatahimik. AnimatED Editorial
Dahil kami ay katulad niyang journalist, at maraming kapwa kakilala, bumaha ang social media feeds namin ng parangal para sa kanya.
Maaaring sila ay naupo sa classroom niya sa UP College of Mass Communication, kung saan naging dekano siya. Kung mula sila sa ibang unibersidad, binasa nila ang kanyang mga libro at newspaper columns at nakinig sa kanyang pagsusuri sa mga talk show. Kung nasa media na sila nang makilala siya, natuto sila sa kanyang mga workshop, nahasa dahil naging editor or tagapayo siya, at nakimartsa sa kanya sa lansangan para iprotesta ang panggigipit sa media at pagpaslang sa mga peryodista.
– para ilabas ang katotohanan at ibunyag ang kasinungalingan, para iangat ang kalagayan ng nasa laylayan, para magkaroon ng kakampi ang pangkaraniwang mamamayan, para marinig ang mga pinatatahimik. Ang pagko-cover ng giyera o gulo, halimbawa, ay hindi dapat paglilista ng ilan ang namatay o saan nangyari ang engkuwentro, turo niya. Dapat banggitin, at ipaliwanag, kung saan nag-ugat ang pakikipaglaban – madalas, dahil may inapi, inagawan, inabuso, pinagkaitan, kinaligtaan ang pamahalaan at lipunan.